A Fundación 26 de Decembro inicia a súa actividade en Galicia en 2022 coa posta en marcha dun grupo de intervención cuxo obxectivo é facilitar ás persoas maiores LGTBQ+ un espazo seguro onde compartir vivencias e reflexionar sobre o proceso de envellecemento, poñendo en valor as súas historias de vida.

Ao mesmo tempo buscamos ser punto de referencia das persoas maiores LGTBIQ+ en Galicia, ofrecendo servizos e programas que melloren a súa vida.

Tamén colaboramos con outras entidades co obxectivo de crear unha rede ampla no territorio que garanta unha atención adecuada, ao tempo que desenvolvemos actividades formativas e de concienciación, expandindo o coñecemento sobre as persoas maiores LGTBIQ+, faiéndose especial fincapé nas súas realidades e necesidades.

A parte das actividades de socialización, formación e intervención trabállase actualmente na apertura dun recurso residencial. Esta vivenda atópase actualmente na fase de remodelación e contamos que poida abrir as súas portas proximamente. 

Ademais, amplíase o programa Rejas Rosas ao territorio galego. Este programa desenvólvese en outros centros penitenciarios de España co obxectivo de dar apoio ás persoas LGTBIQ+ que cumpren algún tipo de condena. No Centro Penitenciario de Texeiro aténdese a unha media de 15 persoas, proporcionando atención grupal e individual, dando así resposta á demanda específica das persoas reclusas, en coordinación directa co equipo do centro penitenciario.